Baleci në Mesjetë

Abstract

Një ndër qytetet e vjetra mesjetare që ndodhen në afërsi të Shkodrës
është qyteti i vogël Baleci, i hasur nëpër dokumente edhe me emrat
Balecium, Baleç, Balezo
ose Baleço Ballegio,
Ballesio, Baleçio
dhe që
kohën e lulëzimit të tij
duhet ta ketë pasur në
shek. XIV. Mbi këtë
qytet hasim disa të dhëna
tek Ippeni, Farlati, Jireçeku,
Shuflaj, Schmitt etj.
Burimi i parë mesjetar
ku haset emri i qytetit
është shkrimi i Presbiterit
Diocleas rreth viteve
1200, por forma e
emrit aty është e prishur,
duke e shënuar si “iupa Barizi”, d.m.th. “Zhupa e Balecit”, i cili e
rendit Balecin në dhjetë zhupat që i përkisnin krahinës së Zetës. Përveç
Balecit (Barizi) në këtë dhjetëshe gjejmë edhe zhupat e Koplikut (Kupêlnik) dhe të Oblikës (Obliquus), tek të cilat haset emri i qytetit.
Ajo çfarë shkruhet në veprat e këtyre autorëve është shumë e pakët, në të
shumtën e rasteve nuk e arrin as edhe një faqe libri, dhe të gjithë
pothuajse përsërisin të njëjtat të dhëna, me përjashtim të ndonjë detaji të
vogël.