MARRËVESHJE DHE ÇËSHTJE TË TJERA NDËRMJET RAGUZËS DHE FISNIKËVE ARBËRORË

Abstrakti

Ky punim jep të dhëna rreth marrëdhënieve diplomatike ndërmjet Republikës së Raguzës dhe disa familjeve të rëndësishme fisnike shqiptare në Mesjetë. Punimi synon të prezantojë disa nga diplomat dhe marrëveshjet më të rëndësishme që këto familje kanë bërë me shtetin e Raguzës. Marrëveshjet janë kryesisht të natyrës ekonomike dhe kanë të bëjnë kryesisht me veprimtarinë tregtare të tregtarëve raguzanë në trevat shqiptare. Familjet, marrëdhëniet e të cilave trajtohen në këtë punim janë Kastriotët, Arianitët, Topiajt, Dukagjinët, Balshët, princat e Arbrit etj., pra fisnikëria më e rëndësishme shqiptare gjatë Mesjetës. Punimi bazohet kryesisht në dokumente arkivore të Arkivit Shtetëror të Dubrovnikut.