Article Sidebar
Main Article Content
Abstrakti
Nga fundi i vitit 1473 kemi edhe një testament nga një marinar që mesa duket e ka origjinën nga Drishti. Dokumenti u gjet gjatë kërkimit tim në lidhje me punimin mbi Drishtin, nëpërmjet shërbimit online që ofron Muzeu i famshëm Galileo në Firence. Dokumenti në fjalë që po e sjellim në origjinal dhe të përkthyer, na informon disi mbi jetën dhe profesionin e marinarit në ato kohëra. Dokumenti i Gjonit nga Drishti u gjet në brendësi të një Manuskripti të shkruar nga venedikasi Muhaeli i Rodosit (Michael de Rhodes). Në fillim le të themi nja dy fjalë në lidhje me Manuskriptin e Mihaelit të Rodosit. Ky manuskript përbëhet nga 440 faqe të cilat kanë si përmbajtje shkrime mbi matematikën, astronominë, astrologjinë lundrimin si dhe shënime nga udhëtimet e këtij marinari.