Në gjurmë të monumenteve kishtare brenda Shkodrës mesjetare

Abstrakti

Shkodra mesjetare, përveçse ishte një qendër e rëndësishme politike
dhe ekonomike, rezulton të ishte edhe një qendër e rëndësishme kishtare
dhe këtë e dëshmon më së miri historia e saj kishtare e cila është e
dokumentuar që në shek. IV, ku Shkodra del si qendër argjipeshkvnore, e
duke vazhduar deri në ditë tona. Pra Shkodra ka një histori të dokumentuar
kishtare prej afro 1700 vjetësh, duke filluar me argjipeshkvin
Bassus, i cili përmendet si Argjipeshkëv i Shkodrës në vitin 387. Duke
vazhduar më tej me Senecion argjipeshkvin e Shkodrës pjesëmarrës në
Koncilin e Efesit (431) e duke ardhur deri në ditët e sotme.