FILLIMET E DEMOKRACISË INSTITUCIONALE NË SHQIPËRI NË VITET 1920-1921

Abstrakti

Në vitet 1920 -1921, Shqipëria po hidhte hapat e parë në organizimin e saj shtetëror. Vështirësitë dhe pengesat e kësaj kohe ishin të shumta dhe tepër të komplikuara. Po kaq të komplikuara, kanë qenë dhe ngjarjet politike të kësaj periudhe, për të cilat deri më sot ka pasur analiza dhe këndvështrime të ndryshme. Në këtë artikull do të përpiqemi të japim disa të dhëna dhe disa gjykime mbi gjendjen politike të Shqipërisë, me synimin modest se mund t’i shtojmë diçka shkrimeve historiografike rreth kësaj periudhe.