NDIKIMI ITALIAN NË KRIZAT POLITIKE TË VITEVE 1920-1924

Abstrakti

Ndikimi i fuqive evropiane tek elita politike shqiptare do të fillonte me përpjekjet e kësaj të fundit për të gjetur aleatë në mbrojtjen e kauzës së saj në Konferencën e Paqes. Kështu vitet 1918-1920, ishin vitet e një debati të gjerë ndërmjet elitës shqiptare për orientimin politik në kuadër të zhvillimeve ndërkombëtare. Në këtë kontekst, një rol të rëndësishëm luajtën edhe organizatat shqiptare të diasporës si shoqëria “Vatra” në Amerikë, shoqëria anglo-shqiptare, e themeluar në shkurt të vitit 1918, shoqëritë shqiptare të Zvicrës, Turqisë, Egjiptit, Partia Politike në SHBA etj.