SITUATA NË SHQIPËRI PAS KRIZËS SË RËNDË POLITIKE TË VITIT 1921 DHE KRYENGRITJES SË MARSIT 1922

Abstrakti

Sfidat më të rënda të qeverisjes, vinin nga vetë cilësia dhe kapacitetet e klasës politike shqiptare, nëse kjo mund të cilësohet si e tillë. Kështu, në një moment delikat për shtetin shqiptar, kur ai ishte i kërcënuar seriozisht nga rebelimi antishtetëror dhe antikombëtar i prijësit të Mirditës, Marka Gjoni, u mendua krijimi i një kabineti, i cili do të mbështetej nga pozita dhe opozita dhe kishte për detyrë të stabilizonte shtetin. Kabineti i Evangjelit, që ishte krijuar me qëllimin e posaçëm të mbrojtjes së tërësisë së shtetit dhe që u njoh si “Bashkimi i Shenjtë”, përfshinte tre prijësit më të shquar guerrilas, që ishin Ahmet Zogu, Bajram Curri dhe Zija Dibra.