INSTITUCIONET KUSHTETUESE TË SHTETIT SHQIPTAR NË VITET 1920-1924

Abstrakti

Bazat e para të organizimit të shtetit shqiptar dhe aktet e tij të para legjislative janë përcaktuar në vendimet e Kuvendit Kombëtar të Vlorës. Këto akte i paraprinë krijimit të një shteti që do të vepronte sipas kushtetutshmërisë, me një qeverisje jo arbitrare, por të kufizuar nga ligji. Vendimi i Kuvendit “Shqipëria të bëhet që sot më vete, e lirë dhe e mosvarme”, ishte akti kushtetues më i rëndësishëm i shpallur prej tij. Shteti i pavarur shqiptar u krijua si një shtet me sistem parlamentar. Rolin e parlamentit e plotësonte Kuvendi Kombëtar, i cili edhe pasi iu dha fund punimeve të tij, ruante prerogativat si organi më i lartë i shtetit.