QËNDRIMI POLITIK I LEF NOSIT GJATË LUFTËS SË DYTË BOTËRORE

Abstrakti

Lef Nosi, një ndër firmëtarët e dokumentit të Shpalljes së Pavarësisë së Shqipërisë, pati një veprimtari të pasur politike në vitet e para të shtetit shqiptar.
Pas një shkëputjeje nga jeta politike në periudhën 1925-1939, ai riaktivizohet përsëri në vitet e vështira të konfliktit botëror 1939-1944.
Gjatë viteve 1925-1939 patrioti Lef Nosi i kushtohet veprimtarisë kryesore duke u marrë me studime gjuhësore, historike, etnografike etj. Do të dallohej në fusha të veçanta siç ishte ajo e filatelisë, numizmatikës si dhe të mbledhjes së shprehjeve të fjalëve të urta të popullit tonë. Veç këtyre do të përgatiste libra e vëllime dokumentare për historinë tonë kombëtare.