PROBLEME HISTORIOGRAFIKE NË VEPRËN E ALI HADRIT PËR LUFTËN E DYTË BOTËRORE NË SHQIPËRI

Abstrakti

Akademik Ali Hadri bën pjesë në plejadën e historianëve shqiptarë të Kosovës, të cilët patën si objekt studimi një tematikë të gjerë të historisë së popullit shqiptar.
Ai ka meritën se problemet historiografike i shikon si një proces unik në të gjithë veprimtarinë e punës së historianit. Për akademik Ali Hadrin, në rolin e studiuesit të historisë, ka peshën e vet si monografia, ashtu dhe artikulli shkencor, si kritika shkencore, ashtu edhe teksti mësimor. Në pasurinë historiografike të këtij studiuesi janë të pranishme pothuajse të gjitha zërat e veprimtarisë shkencore. Mbi 100 zëra të tillë të veprimtarisë prodhuese shkencore të Ali Hadrit janë pasqyruar në manualet bibliografike të punimeve historike, të publikuara në Kosovë.