KONFERENCË SHKENCORE: “ÇËSHTJA ÇAME NË KËRKIM TË NJË ZGJIDHJEJE” Tiranë, 21 dhjetor 2006

Abstrakti

Instituti i Studimeve për Çamërinë (ISÇ), në bashkëpunim me Muzeun Historik Kombëtar, organizuan më 21 dhjetor 2006, në hotel “Rogner Europa Park” Konferencën Shkencore me temë “Çështja çame në kërkim të një zgjidhjeje”. Merrnin pjesë studiues të ndryshëm të fushës së historisë, të jurisprudencës, të artit e të kulturës, si dhe shumë përfaqësues të shoqatës atdhetare të Çamërisë e të shoqatave të tjera kulturore, studentë etj.
Në konferencë mbajtën referate edhe disa studiues të Institutit të Historisë dhe bashkëpunëtorë të tij.