YMER DISHNICA ATDHETAR DHE ANTIFASHIST NË VITET E LUFTËS II BOTËRORE

Abstrakti

Pushtimi fashist i Shqipërisë, gjatë Luftës së Dytë Botërore, vuri në provë ndërgjegjen kombëtare të shqiptarëve për rivendosjen e pavarësisë. Para kësaj prove historike shqiptarët shpalosën qëndrimet e tyre pavarësisht nga shkalla e formimit kulturor e arsimor, nga mosha, apo përkatësia e bindjeve politike.
Duhet thënë, që në fillim, se në krye të qëndresës antifashiste u dalluan mjaft intelektualë me formim të shëndoshë të ndërgjegjes kombëtare. Midis tyre bënte pjesë dhe intelektuali i përgatitur në universitetet e Evropës Perëndimore, doktor Ymer Dishnica.