TURQ QË LUFTOJNË KUNDËR TURQVE

Abstrakti

Titullin e këtij artikulli e kemi shkëputur nga një relacion i shkruar
në Himarë, nga mitropoliti titullar i Durrësit, Simeon Lascari, më 12
mars1661. Ky, mes të tjerash, flet edhe për dy fshatra të Labërisë, Dukat
e Progonat, të cilët atë kohë kishin ngritur krye kundër Portës së Lartë.
“Dukati, shkruan mitropoliti, është një fshat kryengritës me një mijë
banorë, të cilët janë myslimanë (si trova una terra detta Ducades, fà
anime due mille, e qui sono anche Turchi ribelli). Gjithashtu, vazhdon ai,
ndodhet aty edhe fshati Progonat, që bën gjithsejt dy mijë banorë; janë
myslimanë ... që luftojnë kundër myslimanëve” (terra detta Progonates,
fà anime due mille, Turchi... che combattono contro Turchi).