BENDA E ARBRIT NË MESJETËN E VONË

Abstrakti

Në fund të shek. XII, në mënyrë të qartë, por në fakt qysh në shek. XI, në burimet bizantine dhe në ato papale e sllave, përmendet vazhdimisht krahina e Arbrit . Këtu u krijua i pari formacion shtetëror mesjetar shqiptar, Principata e Arbrit. Për vetë pozicionin gjeografik, afër Durrësit e përgjatë rrugës Egnatia, Arbri ka qenë në qendër të historisë mesjetare jo vetëm shqiptare, por edhe të asaj adriatiko-ballkanike, dhe jo më kot, balkanologë e albanologë të shquar, e kanë pagëzuar Arbrin si “bërthamën” e Shqipërisë Mesjetare.