VENEDIKU DHE SKËNDERBEU, NË LUFTË E NË PAQE

Abstrakti

Vështirësitë në interpretimin e fakteve që lidhen me historinë e Gjergj Kastriotit, në përgjithësi, e me marrëdhëniet e tij të jashtme, në veçanti, burojnë në një masë të madhe nga vlerësimi ende jo proporcional që u është bërë shpesh burimeve tregimtare dhe atyre arkivore. Në mënyrë të posaçme, marrëdhëniet e Skënderbeut me Republikën e Venedikut, që janë tema e këtij punimi, nuk do mund të ndërtoheshin veçse në mënyrë të mangët e shpeshherë të gabuar, në rast se do mbivlerësoheshin të parat e nënvleftësoheshin të dytat.