GRUAJA NË POLITIKAT SHTETËRORE TË MONARKISË

Abstrakti

A. Zogu u fut në skenën politike shqiptare me një ambicie për karrierë por edhe me një ambicie për t’a orientuar zhvillimin ekonomik e shoqëror të vendit drejt Perëndimit. Në vitin 1922 në postin e MP Brendshme në një letër drejtuar punonjësve të administratës e cila ka trajtën e një programi pune, ai shpalosi pikëpamjet dhe idetë e tij për ndërtimin dhe funksionimin e shtetit. Ai shprehej: “Ne duhet të ruejmë (shohim - F.M.) nga perëndimi. Shqipëria ka qenë mikesha e vogël e Europës marë, ka qenë para katër shekuj e gjysëm si drita e syrit të botës së qytetnueme, pse atëherë nuk ka pasë kurrë ndonjë lidhje me orientin”.