LITAJT GJATË PUSHTIMIT ITALIAN TË SHQIPËRISË (1939-1943)

Abstrakti

Agresioni ushtarak italian kundër Shqipërisë më 7 prill 1939 shënoi fillimin e pushtimit të saj. Pushtimi i Kukësit më 14 prill do të shënonte pushtimin e gjithë Shqipërisë, e cila zotërohej tashmë nga ushtria pushtuese italiane.
Zbarkimi i trupave ushtarake italiane u shoqërua me ndërmarrjen e masave organizative e politike, për të siguruar ruajtjen e rendit publik dhe për t’i prerë rrugën anarkisë. Për këtë qëllim u urdhërua nga komanda e lartë e trupave italiane të vendoseshin bërthama ushtarake për ruajtjen e fortifikimeve në pika të rëndësishme të sigurisë, ndërmjet të cilave ishte dhe Kukësi. Ky i fundit do të ishte një nga qendra e komandave të divizioneve italiane të sjella në Shqipëri.