DIMENSIONI I LUFTËS BRENDA LLOJIT DUKE PËRDORUR SIGURIMIN E SHTETIT GJATË REGJIMIT KOMUNIST NË SHQIPËRI (1947 – 1953)

Abstrakti

Studimi i epokёs sё Sigurimit tё Shtetit nё Shqipёri pёrgjatё epokёs komuniste, edhe pas mё shumё se 30 vjetëve tranzicion qё po kalon vendi ynё, mbart ende recidiva tё mёdha. Strukturat e sigurisё nё çdo vend tё botёs kanё pasur pёrherё vёmendjen e studiuesve, analistёve dhe asaj pjese tё interesuar tё opinionit publik. Nё vendin tonё, studimi i Sigurimit tё Shtetit dhe i angazhimit të kësaj strukture famёkeqe nё jetёgjatёsinё e sistemit komunist nё Shqipёri ka një rёndёsi tё veçantё. Artikulli qё po paraqesim synon tё analizojё mёnyrёn se si lidershipi mё i lartё komunist nё Shqipёri pёrdori strukturat e Sigurimit tё Shtetit për tё goditur kundërshtarët e tij brenda vetë sistemit. Lufta brenda llojit nё Partinё Komuniste Shqiptare (pas vitit 1948, Partia e Punёs e Shqipёrisё) nuk ndryshonte shumё nga ajo që zhvillohej në vendet e tjera anёtare tё Kampit Socialist. Megjithatë, nё vendin tonё, zvetёnimi dhe deformimi i gjithçkaje qё kishte tё bёnte me "t'i bёsh qejfin" udhёheqjes dhe me pёrfitimin e favoreve nuk njihte asnjё kufi. Duke analizuar luftën brenda llojit në sistemin komunist nё Shqipёri dhe angazhimin e strukturave tё Sigurimit, arrijmё tё kuptojmё dallimin e thellë ndёrmjet ndёrgjegjes dhe djallёzisё, moralit dhe poshtёrsisё – një luftë që u shndërrua nё doktrinё. Artikulli bazohet kryesisht nё dokumente arkivore autentike, fryt i njё pune tё gjatё nё arkivat e shtetit shqiptar, si edhe nё literaturën mё të pёrzgjedhur kombёtare dhe ndёrkombёtare. Kjo literaturë mbështetet nё njё metodologji analitike tё hollësishme për shqyrtimin e ngjarjeve kryesore qё shënuan jetёgjatёsinё e 45 vjetëve të një pushtetit politik tё paskrupullt.