Roli dhe prania e luftëtarëve shqiptarë në Europën Veriore në shek. XVI

Abstrakti

Dëshmitë për praninë dhe rolin e shqiptarëve në vendet e Europës
Veriore, veçanërisht në Vendet e Ulëta dhe Angli i hasim që në shekujt
XIV dhe XV, kur shqiptarët dalin si detarë e rremtarë anijesh, kryesisht
veneciane. Këto dëshmi edhe pse të pakta në numër janë të rëndësishme
sepse hedhin dritë mbi aspekte pak të njohura ose të panjohura të
historisë sonë në këtë periudhë. Në shek. XVI, prania e shqiptarëve në
Europën Veriore do të vazhdojë të jetë e ndjeshme, por tashmë jo si
detarë e punëtorë anijesh, por kryesisht si luftëtarë, apo stratiotë.
Megjithëse stratiotët përmenden që nga fillimi i shek. XV në zotërimet
venedikase në Greqi, angazhimi i tyre në Itali nis që në fundin e viteve
70 të shek. XV.