Përpjekje për afrim: Marrëdhëniet e Shqipërisë me SHBA dhe Anglinë në vitet 70-80

Abstract

Politika e jashtme e Shqipërisë nga viti 1961 e deri në vitin 1978 ka
qenë e orientuar tërësisht drejt Kinës, mbi bazën e afinitetit të ngushtë
ideologjik. Shqipëria ka mbajtur qëndrim armiqësor ndaj Bashkimit
Sovjetik e SHBA-së dhe ka qenë deri diku e izoluar edhe nga pjesa tjetër
e botës. Ajo qëndronte jashtë të dy Blloqeve të mëdhenj, të Lindjes apo të
Perëndimit, larg ‘ngatërresave’ shumëpalëshe evropiane e botërore, larg
bashkëpunimit ballkanik e po kështu larg Konferencës për Siguri dhe
Bashkëpunim në Evropë [KSBE].