POLITIKA E PERËNDIMIT NDAJ SHQIPËRISË GJATË KRIZËS SHQIPTARO-SOVJETIKE

Abstrakti

Konflikti shqiptaro-sovjetik i viteve 1960-1961 është trajtuar nga studiues të ndryshëm, ku spikasin ata perëndimorë.2 Dëshira e mirë për të ndriçuar të vërtetën dhe burimet e nevojshme arkivore mbi këtë subjekt, ishte një shtysë e mjaftueshme për të shkruar këtë artikull. Konflikti shqiptaro-sovjetik i vitit 1960-1961 ishte çarja tjetër e radhës, pas asaj që kishte ndodhur me Jugosllavinë në vitin 1948. Kjo ngjarje u njoh dhe u përdor nga Perëndimi, në funksion të nxitjes dhe thellimit të kontradiktave brenda Bllokut Sovjetik, i cili nuk ishte më monolit si më parë dhe Lëvizjes Komuniste Ndërkombëtare.