DISA TË DHËNA TË REJA MBI FILLIMET E NACIONALIZMIT SHQIPTAR

Abstrakti

Studimi i nacionalizmit shqiptar është një nga problemet më komplekse të historisë moderne shqiptare. Fati historik i shqiptarëve në shek. XIX-XX dhe ideologjizimi i skajshëm i këtij problemi në Shqipërinë komuniste, në vështrim të parë, duket se janë dy faktorët kryesorë që nuk kanë lejuar deri më sot të kryhen trajtime akademike shteruese për këtë problem, por po kaq kanë lënë ende të pazbuluara edhe rrënjët e tij.