Situata demografike, fetare, etnike, ekonomike, etj., në viset e “Shqiptarëve të Veriut”, në vitin 1877, sipas konsullit austro-hungarez, Lippih

Abstrakti

Në dokumente të ndryshme të diplomacisë austro-hungareze të gjysmës së dytë të shekullit XIX gjendet një informacion jo i pakët për tiparet e shqiptarëve, si edhe për numrin dhe përbërjen etnike të popullsisë së sanxhaqeve ose vilajeteve të quajtura shqiptare. Në bazë të këtij informacioni në Vjenë llogariteshin avantazhet dhe disavantazhet për realizimin e projekteve gjeostrategjike për të zotëruar pjesën qendrore dhe perëndimore të Gadishullit të Ballkanit dhe për të prapsur aty konkurrencën e Rusisë.