NJË EKSPOZE E SHKURTËR RRETH KONTRIBUTIT TË INSTITUTIT TË HISTORISË – TIRANË, PËR HISTORINË E KOSOVËS NË VITET 1981-2007

Abstrakti

Titulli i kësaj kumtese mund të kishte qenë edhe “Kontributi i
Institutit të Historisë - Tiranë për historinë dhe çështjen e Kosovës”,
sepse veprimtaria e këtij instituti i ka pasur të gërshetuara fort këto
elemente, sepse ajo ka qenë sa studimore, aq edhe me vlera praktike në
pasqyrimin dhe mbështetjen e zhvillimeve politike aktuale në Kosovë,
pjesë e zhvillimeve tona kombëtare. Do të duhet ta cek këtë temë në
aspektet kryesore të punës sonë gjatë dekadave të fundit.