GAZMEND SHPUZA: “PAGES D’HISTOIRE ALBANAISE (1474-1934)”, Shtëpia Botuese “ISIS”, Stamboll, 2006, 178 f.

Abstrakti

Në fund të vitit të kaluar në Stamboll doli nga shtypi, libri me studime “Pages d’histoire albanaise (1474-1934)” (“Faqe nga historia shqiptare”), i prof. Gazmend Shpuzës. Libri është vënë në qarkullim nga Shtëpia Botuese “ISIS” e Stambollit, e mirënjohur për botimet kushtuar historisë osmane-turke në gjuhët franceze dhe angleze.
Autori i librit dallohet për veprimtarinë e tij studimore shumë të gjerë të pasqyruar në tituj të shumtë, artikuj dhe recensione, midis tyre dhe në dhjetë libra. Ai ka marrë pjesë aktivisht me referate e kumtesa në mjaft tubime shkencore kombëtare dhe ndërkombëtare në Tiranë, Shkodër, Prishtinë, Shkup, New York, Tuniz, Ankara, Stamboll, Amsterdam, Athinë, Kotorr etj.