PËRKUJTIMORE me rastin e 10-vjetorit të vdekjes: INJAC ZAMPUTI 1910-1998

Abstrakti

I. Zamputi u lind më 12 shkurt 1910 në Shkodër në një familje të mesme. Studioi në Kolegjin Saverian të Jezuitëve në qytetin e lindjes, ku u shqua për korrektesë, zell shembullor dhe rezultate të larta. Duke parë të gjitha këto aftësi të tij, sapo mbaroi studimet, drejtuesit e kolegjit e emëruan mësues të letërsisë shqipe po në atë shkollë. Pati kështu fatin që njëzetenjëvjeçar të bëhej koleg i poetit të madh, Dom Ndre Mjedës.