RRETH QËNDRIMIT DHE PIKËPAMJEVE TË DIPLOMACISË AUSTRO-HUNGAREZE NDAJ LIDHJES SHQIPTARE TË PRIZRENIT DHE YMER PRIZRENIT

Abstrakti

Lidhja Shqiptare e Prizrenit, politika e Austro-Hungarisë, vlerësimet e konsujve të saj dhe Ymer Prizreni, të gjithë këta elementë krijojnë një ndërthurje që meriton të analizohet. Ajo na jep mundësinë për të ndriçuar bindshëm nga një kënd origjinal figurën e njërit prej personaliteteve më të njohur shqiptarë të shekullit XIX, shekullit të Rilindjes Kombëtare Shqiptare, i cili u shfaq si meteor në momentin kulmor të saj, në tre vitet e pakrahasueshëm të Lidhjes Shqiptare të Prizrenit, ç’ka do të thotë edhe ndaj Lëvizjes Kombëtare Shqiptare në këtë periudhë.