Ndikimi i vendimit të Gjykatës së Hagës për shkollat private në procesin e kombëtarizimit të institucioneve shqiptare (1935 - 1938)

Abstract

Vendimi i Lidhjes së Kombeve që ndaloi shtetëzimin e shkollave
private në zonën e minoritetit grek nxiti ndjenjat dhe aspiratat grekomane
edhe në rajone të tjera, në të cilat, deri në këtë kohë, dukej se këto prirje
ishin dobësuar. Pas vendimit të Gjyqit të Hagës dhe pas ndryshimit të
qëndrimit të qeverisë shqiptare e cila, konform këtij vendimi, lejoi në
shtator të vitit 1935 çeljen e shkollave private grekofone në fshatrat e
minoritetit, atje ku ato kishin qenë para shtetëzimit, konsullatat dhe
agjentët grekë arritën të rigjallëronin lëvizjen grekomane në disa zona të
jugut të Shqipërisë.