MBI VEPRIMTARINË E QEVERISJES VENDORE NË VITET E MONARKISË SHQIPTARE (1928-1938)

Abstrakti

Burimet që hedhin dritë mbi organizimin dhe veprimtaritë e
qeverisjes vendore janë të shumëllojshme, të karakterit të mirëfilltë
dokumentar dhe bibliografik. Ndërmjet tyre përmendim botimin “10 Vjet
Mbretëri 1928-1938”.
Ky botim me referencë burimet zyrtare të kohës, siç janë raportet,
dokumentet statistikore me të dhëna konkrete të secilit dikaster apo
drejtori të përgjithshme, dëshmon për punë me përgjegjësi, në përmbajtje
dhe formë për paraqitjen e gjendjes reale, pa zbukurime.