ÇËSHTJA E MINORITETEVE NË KUADËR TË KONSOLIDIMIT TË SHTETIT SHQIPTAR NË PERIUDHËN MIDIS DY LUFTËRAVE

Abstrakti

Lufta e Parë Botërore zbehu sukseset e brishta të shtetit shqiptar në procesin e konsolidimit të tij. Vitet 1919-1921 u bënë dëshmitarë të një situate politike të mbushur me tension, pasiguri dhe përpjekje për të rikonfirmuar statusin ndërkombëtar dhe kufijtë shtetërorë të shtetit shqiptar. Edhe në këtë situatë të vështirë, i vendosur përballë pretendimeve territoriale të fqinjëve, shteti shqiptar tregoi predispozicion pozitiv ndaj minoriteteve që jetonin në Shqipëri.