GJERMANËT NË SHQIPËRI (verë - vjeshtë 1943)

Abstrakti

Raportet e shqiptarëve me gjermanët, gjatë shekullit të kaluar, patën një kulm të veçantë gjatë periudhës së Luftës së Dytë Botërore. Në periudhën e paraluftës, marrëdhëniet ndërshtetërore gjermano-shqiptare ishin të kufizuara. Kjo shkallë e ulët e marrëdhënieve midis dy vendeve ishte refleks i pozitës sunduese të ndikimit italian në Shqipëri. Politika gjermane ishte e painteresuar ndaj Shqipërisë, duke marrë në konsideratë xhelozinë italiane ndaj çdo shteti që shfaqte interesa për marrëdhënie preferenciale ndaj Shqipërisë, të cilën, Italia, e konsideronte si “domenin” e saj.