SHËNIME RRETH ÇËSHTJES VLLAHE. ÇËSHTJA VLLAHE DHE KONFERENCA E LONDRËS (Pjesa e parë)

Abstrakti

Në Konferencën e Fuqive të Mëdha në Londër, çështja vllahe u diskutua në ditën 5 gusht 1913. Qe ambasadori i Austro-Hungarisë që, me rastin e pranimit të pesë pikave që parashtroi Sër Eduard Grei në mbledhjen e mëparshme (Jugë e Shqipërisë dhe Ishull i Korfuzit) brenda rezervave të tjera shtroi atë që lidhej me vllehët duke e formuluar në mënyrën që pason: “Lidhur me kuco-vllehët ai kërkon (kabineti i Vjenës) vendosjen ndër masat që do të merren e një dispozicioni që do t’i njihte Rumanisë mundësinë për të mbrojtur të drejtat dhe interesat e kuco-vllehëve”.