KANONIKËT MESJETARË TË KAPITULLIT TË KATEDRALES SË DRISHTIT SIPAS STATUTEVE TË SAJ

Abstrakti

Të shkruash për klerin në Drishtin Mesjetar, është punë që nuk mund të ezaurohet vetëm me disa faqe në formën e një artikulli, por këtu synohet të jepet sadopak një ide e botës së pasur klerikale të Kapitullit të Drishtit mesjetar duke u përqendruar vetëm në Statutet e Kapitullit të Katedrales së Drishtit. Këtu do të mundohemi të japim disa të dhëna mbi organizimin dhe mënyrën e jetesës së kanonikëve në Kapitullin e Katedrales së Drishtit sipas Statuteve të këtij kapitulli, të cilat për mendimin tonë gabimisht jepen me përcaktimin “Statutet e Drishtit”.