KONFERENCË SHKENCORE KUSHTUAR 65-VJETORIT TË ÇLIRIMIT TË SHQIPËRISË Tiranë, 26 nëntor 2009

Abstrakti

Instituti i Historisë, në Qendrën e Studimeve Albanologjike, organizoi në Tiranë konferencën shkencore “Shqipëria në Luftën e Dytë Botërore”. Ajo i zhvilloi punimet më 26 nëntor 2009 në kuadrin e 65  vjetorit të çlirimit të Shqipërisë nga pushtuesit nazifashistë.
Konferenca i zhvilloi punimet në sallën e Akademisë së Shkencave me pjesëmarrjen e studiuesve të shkencave albanologjike, studentëve dhe të veteranëve, pjesëmarrës në Luftën e Dytë Botërore. Punimet e konferencës i hapi zv.drejtori i Qendrës së Studimeve Albanologjike njëherësh dhe drejtori i Institutit të Historisë, akademik Beqir Meta.