POZITA POLITIKE E AHMET ZOGUT NË PRAG DHE GJATË LUFTËS SË DYTË BOTËRORE

Abstrakti

Ndërtimi i shtetit shqiptar, në vitet 20-30 të shekullit të kaluar, është i lidhur, pa dyshim, me rolin politik të mbretit Ahmet Zogu në krye të këtij shteti.
Me të drejtë studiues objektivë dhe seriozë të kësaj periudhe historike të Shqipërisë, e kanë vlerësuar rolin e Ahmet Zogut me atë të “një prej figurave më të rëndësishme politike në historinë e Shqipërisë moderne”.
Masat e gjithanshme që u ndërmorën, aso kohe, në Shqipëri, për një stabilitet politik unik, krijuan një mjedis ideal të shëndetshëm për rritjen e ndërgjegjes kombëtare shqiptare. Në Shqipëri ishte vënë në lëvizje procesi i krijimit të atij nacionalizmi, që ishte i domosdoshëm për krijimin e një shteti modern kombëtar.