KONFERENCA E PARTISË E TIRANËS, NJË PRANVERË E DËSHTUAR E SË MAJTËS NË SHQIPËRI (14-19 prill 1956)

Abstrakti

Konferenca e Komitetit të Partisë të Punës të Shqipërisë e Qytetit të Tiranës u mblodh më 14-19 prill 1956, afro dy muaj pas Kongresit të XX të Partisë Komuniste të Bashkimit Sovjetik (PKBS). Kjo konferencë mbahej në prag të Kongresit III të PPSh dhe në pikëpamje formale mund të konsiderohej një veprimtari rutinë, ku në raste të tilla paraprihej me diskutime në të gjitha strukturat partiake. Por nëse në konferencat e rretheve të tjera të vendit, ishin bërë shumë pyetje, ku përgjigjet ndaj tyre dhe diskutimet kishin qenë standarde, në Tiranë ndodhi ndryshe.