ERWIN LEWIN: “ANTIFASCHISTISCHER WIDERSTAND IN ALBANIEN (1942-1943/1944)”, Shtëpia botuese “Rosa-Luxemburg- Stiftung Sachsen”, Leipzig, 2007, 196 f.

Abstrakti

Libri “Qëndresa Antifashiste në Shqipëri (1942-1943/44)”. Burime të reja për aktorët dhe qëllimet”, ka për autor studiuesin gjerman Erwin Lewin. Ai ka lindur në vitin 1936. Në vitet 1956 deri 1961 ka studiuar për histori dhe albanologji në Laipzig dhe në Tiranë. Doktoroi me temën “Lëvizja për pavarësi e shqiptarëve para dhe pas Luftës së Parë Botërore” në vitin 1965. Ka punuar në Universitetin e Laipzigut dhe drejtues në Institutin për historinë e lëvizjes punëtore në Berlin. Ka botuar punimet:
“Studime për historinë e Internacionales komuniste” (1974), “Historia e lëvizjes punëtore në data” (1986) etj. Vitet e fundit punon si punonjës shkencor i lirë dhe përkthyes. Ka punuar për Historinë e Lindjes dhe të pasojave të PK Shqiptare (2001), për “Aspekte historike të Lëvizjes Kombëtare të shek.XX”, si dhe për pozitën ndërkombëtare të shqiptarëve në regjimin e pasluftës (2005).