Mbi disa çështje të Kryengritjes Shqiptare të vitit 1912

Abstrakti

Kryengritja shqiptare e vitit 1912 përbën një pikë kulmore të lëvizjes
autonomiste shqiptare dhe etapën finale të përpjekjeve të nacionalizmit
dhe kombit shqiptar nën Perandorinë Osmane. Ajo pati ndikim të
rëndësishëm jo vetëm për ngjarjet historike në atë periudhë, por
gjithashtu ushtroi ndikim edhe në rrjedhën historike të shqiptarëve pas
shpalljes së shtetit të pavarur shqiptar. Për shkak të rëndësisë së veçantë
që paraqet, ajo është trajtuar në mënyrë të gjerë në studimet historike
brenda dhe jashtë vendit, prandaj kjo trajtesë do të fokusohet në disa prej
çështjeve kryesore të Kryengritjes së vitit 1912.