KRYENGRITJA E MIRDITËS E VITIT 1921 DHE ÇËSHTJA KOMBËTARE SHQIPTARE NË OPTIKËN E DIPLOMACISË BRITANIKE

Abstrakti

Në fillim të vitit 1921, qeveria jugosllave vazhdonte presionin politik dhe ekonomik ndaj Shqipërisë. Përmes kësaj politike, ajo synonte të arrinte disa objektiva të rëndësishëm: ndryshimin ose të paktën “ndreqjen” e kufirit shqiptaro-jugosllav në favor të Mbretërisë Serbo-Kroato-Sllovene, largimin e plotë të trupave italianë nga Shqipëria si dhe detyrimin e qeverisë shqiptare që të pranonte një sistem doganor të përbashkët. Çështja e fundit, ishte një prej pikave kryesore të marrëveshjes së arritur më herët me Esat Pashën.