PRAKTIKA MËSIMORE EUROPIANE NË ARSIMIN SHQIPTAR GJATË VITEVE 1925-1939

Abstrakti

Është në natyrën e të vërtetave shkencore që, pavarësisht nga indiferenca apo neglizhimi ndaj tyre në kohëra të ndryshme, ato presin, por e arrijnë ditën apo çastin që të vlerësohen për të ndriçuar kohën kur ato u përvijuan, për të identifikuar potencialin intelektual që i krijoi, duke u bërë kështu të dobishme për të ardhmen, por dhe frymëzim për fillime, vazhdime e kthime të reja pedagogjike.
Në mjediset mësimore të shkollës shqiptare të viteve 1925-1939, por dhe në literaturën pedagogjike të kohës u mishëruan modele, formate dhe metodologji mësimore të sistemeve të ndryshme evropiane, të cilat mbajnë për autorë pedagogjistë të njohur botërorë që dhe në e ditët e sotme zbatohen në procesin mësimor.