REFORMIMI I ARSIMIT NËN DREJTIMIN E MINISTRIT MIRASH IVANAJ

Abstrakti

Emri i Mirash Ivanajt është i lidhur ngushtë me faktin që sot shteti ynë ka një politikë arsimore “të pavarur”. Në shtypin e kohës1 vlerësohej shumë personaliteti i Ivanajt. Në njërën prej gazetave të asaj kohe shkruhej: “Nuk veproi që të bëhej ministër, por u bë ministër që të vepronte”.
Ishte koha kur arsimi përjetoi mbështetjen më të madhe dhe solli ndryshime esenciale, ligjore, përmbajtjesore, reformuese dhe ndikoi fuqishëm në jetën e shkollës, duke lënë gjurmë të përjetshme, të cilat kanë ndikimin e tyre dhe sot pas afro 90-të vitesh në arsimin shqiptar.