Gjendja e rëndë ekonomiko-financiare e Shqipërisë dhe përpjekjet e qeverisë shqiptare për sigurimin e një këshilltari financiar britanik (1921-1922)

Abstrakti

Artikulli synon t’i paraqesë publikut, gjendjen ekonomiko-financiare të Shqipërisë gjatë viteve 1921-1922, vështirësitë me të cilat përballej qeveria shqiptare për kapërcimin e këtyre problemeve, si dhe përpjekjet e saj për sigurimin e një këshilltari financiar britanik. Autori trajton motivet që shtynë qeverinë shqiptare t’i drejtohej për ndihmë Britanisë së Madhe. Në artikull pasqyrohen diskutimet e zhvilluara, lidhur me kompetencat dhe kufizimet e parashikuara nga qeveria shqiptare për këtë detyrë. Aty jepet qëndrimi që mbajti qeveria britanike ndaj kërkesës shqiptare për ndihmë në këtë drejtim, si dhe argumentet mbi të cilat u mbështet linja e saj politike. Në artikull argumentohet edhe qëndrimi i mbajtur nga Foreign Office ndaj ish diplomatit britanik George Young, i cili u vetofrua për të marrë këtë detyrë me rëndësi në Shqipëri.