ZHVILLIMET POLITIKE NË EVROPËN LINDORE (1953-1960)

Abstrakti

Pas vdekjes së Stalinit (5 mars 1953), udhëheqja sovjetike u përball
me dy çështje themelore: kush do të ishte pasuesi i tij dhe konsolidimi i
gjendjes në Perandorinë Sovjetike. Pavarësisht luftës së brendshme për
pushtet mes tyre, ku përqendruan energjitë kryesore, ata ishin të bashkuar
në mendimin se politika e brendshme e vendeve satelite kishte nevojë për
ndryshime, sepse ato e kishin tejkaluar masën në ndërtimin e shteteve të
tyre të tipit stalinist.