ASPEKTE TË QËNDRIMIT TË MBAJTUR NGA SHQIPTARËT GJATË LUFTËS SË PARË BALLKANIKE

Abstrakti

Në mesin e muajit mars 1912, kur shteti osman ndodhej ende në
luftë me Italinë, midis Serbisë dhe Bullgarisë u nënshkrua një aleancë
politike-ushtarake, së cilës iu bashkuan më vonë, Mali i Zi dhe Greqia të
nxitura nga Rusia. Qëllimi i “Lidhjes ballkanike” ishte ndarja midis
shteteve ballkanike e zotërimeve të Perandorisë Osmane në Evropë1.
Aleanca ballkanike u paraqit si një masë mbrojtëse ndaj ndonjë sulmi të
jashtëm. Bisedimet e fshehta ndërmjet drejtuesve të shtabeve ushtarake të
këtyre shteteve, si dhe planet e koordinuara të tyre, dëshmuan se qëllimi i
vërtetë i aleancës ishte sulmi kundër Perandorisë Osmane.