MARRËDHËNIET E ANSELMO LOREKIOS ME FEDERATËN “VATRA”

Abstrakti

Qysh me themelimin e Federatës Panshqiptare “Vatra”, atdhetari veteran Anselmo Lorekio shprehu gëzimin e tij për këtë subjekt të ri në fushën e lëvizjes kombëtare shqiptare dhe i uroi “fat shoqërisë së re të sapokrijuar për të mirën e Shqipërisë e të shqiptarëve, veçanërisht në ato momente të shquara të zgjimit të ndërgjegjes shqiptare”.
Më tej marrëdhëniet e tij me “Vatrën” vijuan të ngrohta duke u përpjekur bashkarisht për të mirën e çështjes shqiptare. Por ato do të kulmonin në vendimin e Kuvendit të Jashtëzakonshëm të “Vatrës” që u mbajt në fund të dhjetorit 1918. Vendimet e këtij kuvendi dhe programi që ai shpalli patën një rëndësi vendimtare për orientimin e Lëvizjes Kombëtare në SHBA e më gjerë.