Roli i politikës gjermane në Konferencën e Paqes në Rambuje

Abstrakti

Kështjella franceze e qytetit të vogël francez Rambuje (Rambouillet)
afër Parisit ishte vendi ku u zhvillua Konferenca e Parë Ndërkombëtare
për Kosovën. Më 6 shkurt 1999 shqiptarët e Kosovës dhe delegacionit
serb nën mbikëqyrjen e vendeve anëtare të Grupit të Kontaktit (GK)
zhvilluan negociata për arritjen e një zgjidhje kalimtare për statusin e
Kosovës. Mbi të dyja palët ndërmjetësit ndërkombëtarë dhe vendet e GK,
në këtë mes edhe Gjermania, ushtruan trysni mbi palët për arritjen e një
marrëveshjeje paqësore kalimtare. Mirëpo, kjo konferencë ndërkombëtare,
megjithëse marrëveshja u nënshkrua nga pala shqiptare,
dështoi për shkak të qëndrimit refuzues të Beogradit dhe kursit
konfrontues të Milosheviçit me Perëndimin.