NËNSHKRIMI I PROTOKOLLIT TË KORFUZIT DHE REAGIMI I SHQIPTARËVE (MAJ - QERSHOR 1914)

Abstrakti

Mbërritja e gjermanit Vilhelm Vid (Wilhelm Friedrich Heinrich von Wied), si princ i Shqipërisë nuk e qetësoi situatën në Shqipërinë e Jugut. Lëvizja Vorioepirote, e cila kundërshtonte vendimet e Fuqive të Mëdha, për bashkimin e krahinës së Korçës dhe të Gjirokastrës me shtetin shqiptar, vazhdoi. Dezertimi i ushtarëve grekë dhe shtimi i radhëve të “ushtrisë epirote” u bë masiv dhe gjithnjë e më pak i kamufluar. Ndërkohë që mosmarrëveshjet shqiptaro-greke shtoheshin dhe fryma e mosbesimit mes palëve rritej, Fuqitë e Mëdha i dhanë sërish dorën Greqisë.