SHËRBIMI I JASHTËM I SHTETIT SHQIPTAR GJATË VITEVE TË MONARKISË (1928-1939)

Abstrakti

Pas vendosjes së Monarkisë, 1 shtator 1928, dhe në rrethanat e ekzistencës të një stabiliteti politik në vend, procesi për ngritjen dhe konsolidimin e institucioneve shtetërore dhe formësimin e kuadrit ligjor brenda të cilit do të vepronin këto institucione, njeh zhvillime mjaft dinamike dhe domethënëse. Legjislacioni i periudhës së Monarkisë shënon një hap përpara, duke plotësuar atë të periudhës republikane. Legjislacioni i ri e vendos jetën e shoqërisë dhe veprimtarinë e shtetit mbi një bazë ligjore kushtetuese.