PROF.DR. MUHAMET PIRRAKU (1944-2014)

Abstrakti

Profesor Muhamet Pirraku u lind në fshatin Flamuras të Drenasit, më 12 tetor 1944. Shkollën fillore e mbaroi në vendlindje dhe në Bushat, Shkollën e Mesme Bujqësore e kreu në Prishtinë. Po në Prishtinë mbaroi edhe Fakultetin Filozofik - Degën e Historisë. Studimet pasuniversitare i kreu në Universitetin e Zagrebit, ku më 29 tetor 1976 magjistroi me tezën “Rinia përparim-tare e Kosovës 1919-1941”. Për gjashtë muaj u specializua në fushën e historisë e të kulturës në Institutin e Romanistikës-Gjermanistikës së Universitetin e Vjenës, ndërsa më 29 dhjetor 1988 mbrojti doktoraturën, në Degën e Historisë së Universitetit të Prishtinës, me temë “Kultura shqiptare prej viteve 70 të shekullin XVIII deri në vitin 1878”.