MONUMENTET KISHTARE TË DRISHTIT NË MESJETË

Abstrakti

Drishti kishte shumë kisha edhe kapela dhe nga Shuflaj cilësohet si
një ndër fidanishtet më të mëdha të klerit katolik shqiptar, krahas Shasit
(Saucium). Kishat e Drishtit ishin me mure të trasha dhe deri më sot
dimë se ky qytet kishte këto katedrale dhe kisha, disa prej të cilave
përmenden edhe në dokumentet raguzanë dhe venedikase: katedralja e
Shën Gjergjit, katedralja e Shën Mërisë me Kapitull (1353 capitulum
ecclesie S. Marie de Drivasto), kisha e Shën Françeskut (1353, 1368) dhe
kisha e Shën Shelbuemit (S. Salvator 1399), kisha e Shën Kryqit, kisha e
Sancta Maria Veteris, kisha e Shën Stefanit, kisha e Shën Prendës dhe
kisha e Shën Kollit. Le të shohim disa të dhëna më të zgjeruara në lidhje
me këto kisha.